टिभी अभिनेता गौरव चोपडाको नीजि जीवनमा निकै तनाव चलिरहेको छ । केही दिनअघि आफ्नी आमा गुमाएपछि अब उनका पिताको पनि देहावसान भएको छ । गौरवले यसको जानकारी इन्स्टामा देखिएका छन् ।
गौरवले पिताको फोटो सेयर गर्दै लेखे, ‘मेरो हिरो, मेरो आइडल, मेरो प्रेरणा । सबै पिता उनीजस्तो हुँदैनन् भनेर बुझ्न मलाई २५ वर्ष लाग्यो । उनी विशेष थिए । उनको छोरा हुनु मेरो लागि एक वरदानसरह हो । मेरी आमाले हामीलाई १९ तारिखमा अलविदा भनिन् र पिताले २९ मा । १० दिनभित्र दुबैको मृत्यु भयो । जीवनमा एक खालीपन निम्तिएको छ जुन अब कहिल्यै भरिने छैन ।’
यसअघि गौरवले आमाको निधनमा भावुक पोस्ट गरेका थिए । अभिनेताले आफ्नो भावना व्यक्त गर्दै लेखेका थिए, ‘आमा मेरी सबैभन्दा शक्तिशाली । पहिलो फोटो एक वर्ष पुरानो हो । तीन वर्षसम्म क्यान्सरसँग निकै भयानक युद्ध, तीन वर्षसम्म निरन्तर किमो र हामीलाई साथ दिनु । प्रत्येक कोठालाई उज्यालो बनाउँथ्यो । उनी सधैं एक सुन्दर महिला रहँदै आएकी थिइन् जसलाई कसैले पनि कमजोर बनाउन सक्दैनथ्यो । उनलाई सबैले माया गर्दथे ।’
गौरवले थपे, ‘मैले एक प्रशंसकको रुपमा उनलाई हेरेँ । उनले एक शिक्षकको रुपमा, एक प्रधानाध्यापकको रुपमा, एक साथी, एक मानिसको रुपमा मानिसलाई प्रेरित गरे । म यस्ता लाखौं चिजबारे भन्न सक्छु । उनले मलाई जीवनको हरेक पाटोबारे सिकाएकी छिन् । मेरो शक्ति, मेरो स्रोत, मेरी आमा सबैभन्दा शक्तिशाली । उनले हामीलाई अलविदा भनिन् । अर्को दुनियाँमा पनि उनले सबैलाई आफ्नो प्रशंसक बनाउने छिन् । मलाई विश्वास छ ।’
स्मरण रहोस्, गौरव चोपडा एक चर्चित स्टार हुन् र थुप्रै कार्यक्रमका हिस्सा हुन् । उनी बिग बस १० मा देखिएका थिए । गौरवले सिरियल उतरनबाट चर्चा बटुले । उनी अघोरी, संजीवनी, पिया का घर, नच बलिए टु, डान्सिङ विद द स्टार्स, जोर का झट्का, पति पत्नी और वो जस्ता कार्यक्रममा देखिएका छन् ।
