करिश्मा मानन्धर (केसी) जन्म १९७१, ललितपुरमा नेपाली चलचित्र क्षेत्रको एक चर्चित अभिनेत्री र तथा चलचित्र र्निमात्री हुन्।उनी नेपाली रजतपटमा सबैभन्दा सुन्दर नायिकाका रूपमा समेत चिनिन्छिन ।
करिश्मा फिल्म निर्माणमा समेत सक्रिय भइन। उनको पहिलो चलचित्र वि.सं. २०४२ सालमा बनेको सन्तान हो । त्यसबेला उनी मात्र १४ वर्षकी थिइन् । त्यस फिल्ममा उनले भुवन केसीसँग काम गरेकी थिइन् ।
कस्तुरी चलचित्रमा काम गरेपछि उनले चर्चित चलचित्र निर्देशक बिनोद मानन्धरसँग विवाह गरिन् । विवाह पश्चात् उनी चर्चाको शिखरमा पुगिन् यसै कारण उनलाई करिश्मा केसी भन्दा करिश्मा मानन्धरकै नामले चिनिन्छिन् । उनको एउटी छोरी (कविता मानन्धर) पनि छिन् ।
सुन्दरी करिश्मालाई धेरैले ‘के राज हो सधैं सुन्दर देखिनुको’ भनेर सोध्छन्। उनी आफूलाई मा-र्न हैन हरदम ताजा र जीवित राख्ने कोशिशमा रहने जवाफ दिन्छिन्। “खासगरी, महिलाका लागि खुशी र स्वस्थ रहनु अनिवार्य पनि छ”, करिश्मा भन्छिन्, “आफू दुःखी भएर अरूलाई खुशी पार्न सकिंदैन।” मानिसले शरीर प्रयोग गरेर धेरै थोक कमाउने हुनाले जीवन नै धान्ने शरीरलाई माया गर्नुपर्ने उनी बताउँछिन्।
स्वस्थ, सुन्दरता, परिवार र कामलाई सँगै लिएर हिंडेकीले आफू आम नेपालीको हिरोइन हुनसकेको उनको भनाइ छ। नेपाली सिनेमाको कमजोरीका जानकार हिरोइन करिश्मा नायिकाहरूको जथाभावीले यो क्षेत्र बद्नाम छ भन्ने भनाइको कडा प्रतिवाद गर्छिन्। उनी भन्छिन्, “यो क्षेत्रको मर्यादाको सीमा र माया यसलाई नै जीवन बनाएको हामीलाई भन्दा बढी अरूलाई हुनु अनौठो हो।
सदावहार नायिका करिश्मा सामाजिक संजालमा पनि निकै सक्रिय छिन् । उनले महामारीको अवस्थामा आफैसँग व्यस्त हुनु राम्रो भएको बताएकी छिन् । विश्वभर कोरोनाले आक्रान्त भएको अवस्थामा नेपाल र भारतबीचमा सीमा विवा’द चलिरहेकोे छ ।
देशमा अहिले भइरहेका विषयहरुलाई लक्षित गर्दै करिश्माले आफैसँग व्यस्त हुनु ठिक हो भन्दै टिप्पणी गरेकी छिन् । सीमा विवादमा कलाकारहरु एकाएक विवादमा तानिरहेका समयमा करिश्माले भने यसबाट पन्छदै फेसबुकमा लेखेकी छिन्, ‘अहिलेको अवस्थामा आफैसँग ब्यस्त हुनु अझै राम्रो ।
यस्तो स्टाटस लेख्दै करिश्माले नयाँ लुक्सका तस्बिर पनि शेयर गरेकी छिन । ढल्किदो उमेरमा पनि फिट करिश्मा उक्त तस्बिरमा निकै सुन्दर देखिएकी छन् । उनले बिभिन्न समयमा सारीमा सजिएर लिएका सुन्दर तस्बिर शेयर गरेकी छिन् । उनलाइ फ्यानहरूले निकै प्रशंसा गरेर प्रतिक्रिया दिइरहेका छन् ।
