सरकारले कोरोना नियन्त्रणको लागि लगातार जारी राखेको लकडाउनले गर्दा धेरै नेपालीहरु सामाजिक सञ्जालमा सक्रिय छन् ।
सोसल मिडियामा नै नचलाउनेहरु पनि यससँग जोडिएका छन् ।घरभित्र नै थुनिएका धेरै मानिसहरु टिकटकसँग जोडिएको पाइन्छ । लकडाउनको समयमा पुराना हस्ती कलाकारहरुसमेत टिकटकमा देखिएका छन् ।
यसैबीच पूर्वयुवराज्ञी हिमानी शाह पनि सामाजिक सञ्जालमा टिकटकमा निकै सक्रिय हुन थालेकी छन् ।
पछिल्लो समय उनी सामाजिक सञ्जालमा एकाएक चर्चामा आएकी छन् । उनको टिकटक एकपछि अर्को लगातार भाइरल बन्दै गएको छ ।
हिमानीले छोरीद्वय पूर्णिका राज्य लक्ष्मी शाह र कृतिका राज्य लक्ष्मी शाहसँग टिकटककामा गरेकी अभिनय अहिले भाइरल बन्दै गएको पाइन्छ ।
पूर्वयुवराज्ञी हिमानी छोराछोरीसहित अहिले थाइल्यान्डमा रहेको बताइउको छ । छोरी अध्ययनका लागि थाइल्यान्डमै रहेकी छन् । हिमानी अहिले छोरीसँगै थाइल्यान्डमा रहेका बेला उक्त भिडियो तयार पारेकी हुन् ।
छोरीहरुलाई भेट्न थाइल्यान्ड पुगेकी र लकडाउनका कारण अहिले उतै अड्किएकी हिमानीको अहिले अर्को देशभक्तिपूर्ण टिकटक भिडियो भाइरल बन्दै गएको छ ।
उक्त भिडियोमा ‘यो मन त मेरो नेपाली हो’ बोलको गीतमा उनी आफ्नी छोरीसंगै नाच्दै गरेको देख्न सकिन्छ ।‘गुराँसको फेदमुनि सम्झनाको छाँया, जहाँ गए किन लाग्छ मलाई तिम्रै माया’ बोलको गीतमा हिमानीले दुई छोरी पूर्णिका र कृतिकासँग नृत्य गरेकी भिडियो पनि अहिले सामाजिक सञ्जालमा भाइरल छ ।
लकडाउनका कारण अस्तव्यस्त दैनिकीकमा आफूलाई कसरी खुसी र स्वस्थ रहन सकिन्छ भन्ने हिमानी शाहबाट सिक्न सकिने भन्दै धेरैले उहाँहरुको टिकटक भिडियो सामाजिक सञ्जालमा शेयर गरेका छन् ।
भिडियो हेर्नुहोस् ।
र यो पनि हेर्नुहोस्
छोरी पूर्णिकासहित पूर्व युवराज्ञी हिमानी शाहको ‘डान्स’ भाइरल बन्दै
