आइतबार नेपालमा थप एक जनामा कोरोना भाइरस संक्रमण भेटिएको छ ।
वीरगञ्ज महानगरपालिका वडा नम्बर ३ छपकैयाका ३६ वर्षीय पुरुषमा कोरोना संक्रमण फेला परेको नारायणी अस्पतालले जनाएको छ। योसँगै नेपालमा कोरोना भाइरस संक्रमितको संख्या ६० पुगेको छ ।
उनको शुक्रबार स्वाब संकलन गरिएको थियो ।शंका लागेपछि पीसीआर परीक्षण गर्दा कोरोना पोजेटिभ पाइएको छ।
नेपालमा अहिलेसम्म १३ हजार ९८ जनामा पीसीआर विधिबाट कोरोना परिक्षण गरिएको छ । संक्रमित भेटिएका ६० जनामध्ये १६ जना निको भएर घर फर्केका छन् भने बाँकी देशका विभिन्न अस्पतालमा उपचाररत रहेका छन् ।
स्वास्थ्य तथा जनसंख्या मन्त्रालयले भने केहीवेरमा संक्रमितको पुष्टि गर्ने बताइएको छ ।
Ktmdainik.com मा प्रकाशित भएको समाचारमा कुनै सल्लाह वा सुझाव दिनुपरेमा अथवा कुनै समाचारमा चित्त नबुझेर गुनासो पोख्नु परेमा वा विज्ञापन प्रकाशित गर्नु परेमा हामीलाई [email protected] मा इमेल पठाउन सक्नुहुन्छ । निरन्तर समाचारको लागी हामीसँग फेसबुक तथा ट्वीटरमा जोडिन सक्नुहुनेछ ।
