केटिएम दैनिकमा बिहिबार प्रकाशन भएको काठमाडौंको बि एण्ड बि अस्पतालको ब्रम्हलुट, संकटको बेलामा मुल्यवृद्धि ? शिर्षकमा समाचार प्रकाशित गरेपछि बाहिर थाहा नदिने सर्तमा शक्रबार नै आकास्मिक रुपमा ब्यबस्थापन र डिपार्टमेन्ट प्रमुखहरुकाे बैठक बाेलाई मुल्यवृद्धि फिर्ता लिएको छ।
साथै कर्मचारीकाे अस्वभाविक रुपमा घटाएकाे तलब पनि पाँच प्रतिशत मात्रै घटाउने मौखिक निर्णय भएको त्यहाँ कार्यरत एक कर्मचारीले केटिएम दैनिकलाई बताए ।अस्पतालले तलब घटाए पछि हिजो शनिबार आकस्मिक रुपमा उक्त अस्पताल कर्मचारी सघकाे पनि बैठक बसेकाे छ।
उक्त बैठकले महामारीको समयमा डाक्टर ,नर्स र अन्य अस्पताल कर्मचारीकाे तलब सुविधा घटाउनु, बेतलबी बस्न कर गर्नु र कसैलाई तलब नै नदिने आन्तरिक निर्णय गर्नुले आम कर्मचारीकाे अपमान भएको र पुरानै तलब तथा सेवा सुबिधा कायम नहुँदा सम्म कर्मचारी चुप लागेर बस्न नहुने कुरामा जोड दिएका थिए ।
आइतबार अपरान्ह अस्पताल ब्यबस्थापन समक्ष आफ्ना मागहरु सहित ज्ञापनपत्र बुझाउन लागेको एक बैठकमा सहभागी कर्मचारीले बताए। साथै कर्मचारीकाे पक्षमा निर्णय नभए आजै कर्मचारीकाे समूह श्रम कार्यलय जानेछ। उनले एक दुई कर्मचारी ब्यबस्थापनकाे चाप्लुसीमा लागे पनि करिब करिब ६ सय कर्मचारी अन्यायकाे बिरुद्धमा रहेको उनकाे कथन थियो ।
उनले एक दुई कर्मचारी ब्यबस्थापनकाे चाप्लुसीमा लागे पनि करिब करिब ६ सय कर्मचारी अन्यायकाे बिरुद्धमा रहेको उनकाे कथन थियो ।
यस्तो अबस्थामा डाक्टर ,स्वास्थ्यकर्मी र कर्मचारीकाे आत्मबल उच्च बनाउने कार्यमा भुमिका खेल्नु पर्नेमा उल्टै मनाेवल कमजोर बनाईएकाे उनको जिकिर थियाे। यस बिषयमा ब्यबस्थापन निकटका ब्यक्तिसँग हाम्रा प्रतिनिधिले कुरा गर्दा काम गर्ने सिलसिलामा केही गल्ती कमजोरी भएका हुन सक्छन तर समाचारमा आए जस्ताे समस्या नभएको बताए ।
नेपालका हजारौं नर्सहरुकाे छाता सङ्गठन नेपाल नर्सिङ सङ्घले विभिन्न अस्पतालहरुमा कार्यरत नर्सहरुकाे तलब तथा सेवा सुबिधा कटौतीको बिरुद्धमा कडा विज्ञप्ति निकालेकाे छ।सङ्घले कठिन परिस्थितिमा नर्सहरु आफ्नाे जीवन जाेखिममा राखेर नागरिकहरुकाे सेवामा लागेको बेला नर्सहरुलाई हताेत्साहित हुने कुनै पनि गतिविधि नगर्न चेतावनी दिएको छ।
