आमिर खानले आटाको प्याकेटमा हालेर पैसा बाँडे, फ्यानले दिए धन्यवाद

मुम्बई – इन्टरनेटमा एक भिडियो भाइरल भएको छ, जसमा भनिएको छ – सुपरस्टार आमिर खानले अनौठो तरिका अपनाएर निम्न आय हुनेलाई पैसा दिएका छन् ।

उक्त भाइरल भिडियोका अनुसार बलिउड अभिनेता आमिर खानले गुजारा चलाउन धौ धौ हुनेलाई बाँडनका लागि गहुँको आटाको प्याकेट हालेर एक ट्रक पठाएका थिए । उक्त ट्रक दिल्लीबाट एक पिछडिएको गाउँका लागि पठाइएको थियो ।

खबरका अनुसार आटाको हरेक प्याकेटमा १५ हजार रुपैयाँ पनि राखिएको थियो । केही भारतीय सञ्चार माध्यमका अनुसार आटाका प्याकेट जसलाई अति आवश्यक थियो, उनीहरुले मात्र लिए । र, उनीहरुले १५ हजार पनि पाए ।

जसलाई आवश्यक छ, उसले आटाको प्याकेट राख्नेछ, अरुले एउटा आटाको प्याकेट पनि के राख्नु भनेर राख्ने छैनन् भन्ने अर्थमा यसरी राहत बाँडिएको चर्चा सामाजिक सञ्जालमा छाएको छ ।

https://www.instagram.com/p/B_c8CSfBtdb/?utm_source=ig_embed

यद्यपि यो भिडियो वास्तविक हो या होइन भन्ने अझै पुष्टि भएको छैन ।

आमिर खानले बलिउडका अन्य स्टारले भन्दा फरक तरिकाले सामाजिक सेवा गर्ने गर्छन् । त्यसैले पनि आमिरले फरक तरिका अपनाएर सहयोग गरेको भन्दै फ्यानले धन्यवाद समेत व्यक्त गरेका छन् ।

अन्तिम पटक अध्यावधिक गरिएको: मङ्गलवार, माघ २५ २०७८ २२:२८:३२
#
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।

प्रतिक्रिया दिनुहोस

सम्वन्धित समाचार

सबै