काठमाडौँ– यूईएफए नेसन्स लिगअन्तर्गत समूह ‘सी’को खेलमा स्पेनले चेकियालाई ३–१ गोलले पराजित गरेको छ । जितसँगै स्पेनले प्रतियोगितामा आफ्नो अपराजित यात्रा कायम राखेको छ ।
गएराति सम्पन्न खेलमा स्पेनलाई जित दिलाउन लामिन यमाल, रोड्री र मिकेल मेरिनोले एक–एक गोल गरे । चेकियाका लागि जिरी स्लामा एक गोल फर्काए ।
खेलको छैटौँ मिनेटमै यमालले गोल गर्दै स्पेनलाई १–० को अग्रता दिलाएका थिए । ३५औँ मिनेटमा रोड्रीले गोल थपेपछि स्पेन पहिलो हाफमै २–० ले अघि रह्यो ।
दोस्रो हाफमा चेकियाले पुनरागमनको प्रयास गरेको थियो । खेलको ६९औँ मिनेटमा जिरी स्लामाले गोल गर्दै अन्तर २–१ मा झारे । तर, ८९औँ मिनेटमा मिकेल मेरिनोले स्पेनका लागि तेस्रो गोल गरेपछि टोली ३–१ ले विजयी भयो ।
यो जितसँगै स्पेन ९ अंकसहित समूह ‘सी’को शीर्षस्थानमा यथावत् रहेको छ । चेकिया भने समूहको पुछारमा रहेको छ ।
