वासिङटन । अमेरिकी राष्ट्रपति डोनाल्ड ट्रम्पले चीन र रूसलाई इरानलाई हतियार बिक्री नगर्न चेतावनी दिएका छन्। उनले यस्तो कदम ती दुवै देशकै हितविपरीत हुने बताएका छन्।
राष्ट्रपति ट्रम्पका अनुसार चिनियाँ राष्ट्रपति सी जिनपिङ र रुसी राष्ट्रपति भ्लादिमिर पुटिनले हालसम्म इरानलाई हतियार बिक्री नगरेको आश्वासन दिएका छन्। उनले उक्त प्रतिबद्धताप्रति आफू विश्वस्त रहेको पनि उल्लेख गरेका छन्।
ट्रम्पले आफ्नो सामाजिक सञ्जाल ट्रुथ सोसल मा लेख्दै, “इरानसँग सम्बन्धित विषयमा प्रायः चर्चा हुने दुई ठूला देश मेरो विचारमा यसमा संलग्न छैनन्,” भनेका छन्।
उनले थप लेखेका छन्, “यदि उनीहरूले इरानलाई हतियार बिक्री गरे भने त्यसको परिणाम उनीहरूकै लागि निकै नकारात्मक हुनेछ। यस्तो कदम कुनै पनि हिसाबले उनीहरूको हितमा हुने छैन।”
