काठमाडौं– डोल्पाको जगदुल्ला गाउँपालिका–५ गैरीगाउँस्थित धुलाखोला क्षेत्रमा आएको बाढीले ८ देखि १० वटा घरमा क्षति पुर्याएको छ ।
नेपाली सेनाका अनुसार आइतबार बिहान करिब ३ बजे परेको भारी वर्षापछि आएको बाढीले स्थानीय बस्ती प्रभावित भएको हो ।
घटनालगत्तै नेपाली सेनाको संग्राम शार्दूल गुल्मबाट खटिएको टोलीले नेपाल प्रहरी, सशस्त्र प्रहरी बल तथा स्थानीयवासीसँग समन्वय गरी खोज तथा उद्धार कार्य सञ्चालन गरिरहेको सेनाले जनाएको छ ।
बाढीबाट भएको मानवीय तथा भौतिक क्षतिको विस्तृत विवरण संकलन भइरहेको छ ।
