गृहमन्त्री रामबहादुर थापा ‘बादल’का राजनीतिक सल्लाहकार सूर्य सुवेदी ‘पथिक’लाई कोरोना संक्रमण पुष्टि भएको छ ।

मंगलबार पीसीआर गर्दा आफू र पत्नी ज्ञानु बस्नेतलाई कोरोना पोजिटिभ देखिएको सुवेदीले बताए । कोरोना पुष्टि भएपछि सुवेदीले आफ्नो सम्पर्कमा रहेकाले सावधानी अपनाउन आग्रह गरेका छन् ।

उनलाई संक्रमण पुष्टि भएपछि कन्ट्याक ट्रेसिङका आधारमा मन्त्रालयका अन्य केही अधिकारीको पनि पीसीआर परीक्षण गर्ने तयारी गरिएको छ ।

यसअघि प्रधानमन्त्री केपी शर्मा ओलीको बालुवाटारस्थित सचिवालयका चार जना सदस्यमा कोरोना पुष्टि भैसकेको छ । त्यसक्रममा गरिएको परीक्षणका क्रममा ६७ जना सुरक्षाकर्मीमा पनि संक्रमण पुष्टि भएको थियो ।