तेहरान- इरानका सर्वोच्च नेताका विदेश नीति सल्लाहकार कमाल खर्राजीले अब अमेरिकासँग वार्ताको कुनै सम्भावना नरहेको बताएका छन्।
उनले इरानी सेना लामो युद्धका लागि तयार रहेको पनि बताएका छन्। एक अन्तर्वार्तामा खर्राजीले भने, ‘अब वार्ताका लागि कुनै ठाउँ देखिँदैन।’
उनले अमेरिका यसअघि पनि वार्ताका क्रममा गरेका वाचा पूरा गर्न असफल भएको बताउँदै वार्ता जारी रहेकै बेला इरानमाथि आक्रमण गरिएको उल्लेख गरेका छन्।
उनले अहिलेको युद्ध लामो समयसम्म चल्न सक्ने संकेत गर्दै अमेरिका र उसका सहयोगीमाथि आर्थिक दबाब नबढेसम्म संघर्ष जारी रहन सक्ने बताए।
खर्राजीले इरानको सैन्य तथा राजनीतिक नेतृत्व यो संघर्षमा एकजुट रहेको र देश लामो समयसम्म सामना गर्न तयार रहेको पनि बताए।
