सुर्खेतमा भाद्र १ गतेदेखि जारी भएको निषेधाज्ञा समाप्त भएको छ ।
जिल्ला प्रशासन कार्यालय सुर्खेतले भाद्र १ देखि ५ सम्म विरेन्द्रनगर नगरपालिका क्षेत्रमा जारी गरेको निषेधाज्ञाको अवधि थप्दै ९ गतेसम्म र फेरी तेस्रोपटक थप्दै भाद्र १२ गतेसम्म जारी गरेको थियो ।
निषेधाज्ञाको अवधि सकिएपछि जिल्ला प्रशासन कार्यालयले एक सूचना जारी गर्दै निषेधाज्ञा खुलेको जानकारी दिएको छ ।
प्रशासकीय अधिकृत पदम लाल लामिछानेले जारी गरेको सूचनामा अत्यावश्यक सेवा तथा सो बाहेकका अन्य उद्योग, व्यापार व्यवसाय र सवारी साधनहरु विहान ५ बजेदेखि साँझ ७ बजेसम्म खुल्ला गर्ने निर्णय गरेको छ ।
तर संचालन हुने सवारी साधनहरु भने जोर विजोर प्रणालीमार्फत संचालन हुनुपर्नेछ । उक्त जोर विजोर प्रणाली अत्यावश्यक सेवा र मालवाहक सवारी साधनमा भने लागू गरिएको छैन ।
तर फुटपाथ खुल्ला ठाउँ, ठेलागाढामा संचालन हुने तरकारी फलफूल, खाद्यान्न तथा लत्ताकपडा लगायतका खुद्रा व्यापार एवं कवाडी संकलन जस्था कार्य संचालन गर्न भने रोक लगाइएको छ ।
हेर्नुहोस सूचना
