काठमाडौँ । प्रतिनिधि सभा निर्वाचनको समानुपातिक बन्द सूचीमा परेकामध्ये ५० जनाले नाम फिर्ताका लागि निवेदन दिएका छन् ।
नेकपा एमालेका ३ जनासहित अहिलेसम्म ५० जनाले बन्द सूचीबाट नाम फिर्ताका लागि निर्वाचन आयोगमा निवेदन दिएका हुन् ।
एमालेका खसआर्य तर्फ नाम समावेश भएका ठाकुर प्रसाद शर्मा, मधेशी महिलातर्फ अंशु सिंह, आदिवासी जनजातितर्फ विजयसिंह लामाले नाम फिर्ताका लागि निवेदन दिएका छन् ।
यस्तै राप्रपाबाट ताराकुमारी माझी र जनमत पार्टीको खसआर्यबाट प्रेम प्रसाद आचार्यले नाम फिर्ताका लागि निवेदन दिएको निर्वाचन आयोगले जनाएको छ ।
