दमक । झापाको गौरादहमा सर्पको डसाइबाट एक महिलाको मृत्यु भएको छ । गौरादह नगरपालिका-६, तेडियाडाँगीकी २५ वर्षीया चाँदनीदेवी शर्माको मृत्यु भएको जिल्ला प्रहरी कार्यालय झापाले जनाएको छ ।
घरभित्र खाद्य भण्डारमा समान निकाल्ने क्रममा शुक्रबार (कात्तिक २१) बेलुका ८:३० बजेतिर उनलाई गोमन सर्पले दायाँ खुट्टामा डसेको थियो । त्यसपछि उपचारका निम्ति उनलाई सामुदायिक सर्पदंश उपचार केन्द्र सिजुवा, मोरङ लगिएको थियो ।
चिकित्सकले राति ११:४५ बजे उनको मृत्यु घोषणा गरेका प्रहरीले जनाएको छ ।