काठमाडौं । सिटी एक्सप्रेस मनि ट्रान्सफरका संस्थापक चन्द्र टण्डन र पोर्चुगलका लागि नेपाली राजदूत प्रकाशमणि पौडेलबीच छलफल भएको छ।
ग्लोबल बिजिनेस तथा डायस्पोरा समितीका सभापति तथा नेपालका लागि केन्याका अवैतनिक वाणिज्यदूतसमेत रहेका टण्डन र राजदूत पौडेलबीच विदेशी प्रत्यक्ष लगानी भित्र्याउन आवश्यक रणनीतिबारे छलफल भएको छ।
उनीहरुबीच उत्पादनशील क्षेत्रहरु र प्रविधी स्थानन्तरणहरुमा रेमिटान्स लगानीलाई समर्थन गर्न औपचारिक नेटवर्कहरुको स्थापना गर्ने, साहसिक पर्यटन, सांस्कृतिक सम्पदा र अध्यात्मिक रिट्रिटहरूको लागि नेपाललाई शीर्ष गन्तव्यको रूपमा प्रवर्धन गर्ने विषयमा पनि छलफल भएको छ।
छलफलका क्रममा पोर्चुगलमा रहेका नेपालीहरुका समस्या समाधानका लागिआफू लागि परेको र नेपाली आप्रवासीहरुको कल्याण र अधिकार सुनिश्चित गर्ने कार्य भइरहेको राजदूत पौडेलले जानकारी गराएका थिए।
त्यस्तै, पोर्चुगलमा रहेको नेपाली मिसन र सीएनआई बीचको संस्थागत सम्बन्धको बारेमा पनि छलफल भएको थियो।
