काठमाडौँ । गृहमन्त्री रमेश लेखकले काँग्रेसका महामन्त्री गगन थापा र प्रमुख सचेतक श्याम घिमिरेसँग छलफल गरेका छन् ।
सिंहदरवारस्थित काँग्रेस संसदीय दलको कार्यालयमा गृहमन्त्रीले महामन्त्री थापा र प्रमुख सचेतक घिमिरेसँग विवादित विधेयकहरूबारे छलफल गरेका हुन् ।
भेटमा सरकारले सदनमा पेश गरेको भूमि विधेयकबारे कुरा भएको गृहमन्त्रीको सचिवालयले जनाएको छ । भूमि विधेयकको विषयमा सत्तारुढ दल एमाले र काँग्रेसबिच साझा धारणा बन्न सकेको छैन ।
सदनमा पेस गरेको विधेयक फास्ट्र ट्रयाकबाट पारित गर्नपर्ने एमालेको मत छ । तर, काँग्रेसका महामन्त्री थापा र अर्का महामन्त्री विश्वप्रकाश शर्माले संशोधन प्रस्ताव हालेका छन् । यसअघि पनि कार्यसूचीमा राखेको भए पनि काँग्रेसले आपत्ति जनाएपछि हटाइएको थियो ।
यस्तै, नेकपा एमालेका सांसदहरूले राष्ट्रियसभामा संघीय निजामती विधेयकमा हालेको संशोधन प्रस्तावमा पनि काँग्रेसका आपत्ति छ । एमालेका ५ सांसदले कुलिङ पिरियड नराख्ने गरी संशोधन प्रस्ताव राखेका थिए ।
काँग्रेसको यो प्रस्तावपछि हिजो नेता शेखर कोइरालाले आपत्ति जनाउँदै एमालेको दोहोरो कदमलाई देश, जनता, लोकतन्त्र र गठबन्धनलाई दिएको धोका भएको आरोप लगाएका थिए ।
