महोत्तरी, ९ भाद्र । महोत्तरीको बर्दिवास र औरही नगरपालिकाको सिमानामा एक जना जनप्रतिनिधि मृत अवस्थामा फेला परेका छन् ।
मृतक जनप्रतिनिधि रामगोपालपुर नगरपालिका-२ का वडा अध्यक्ष मुकेश यादव रहेको प्रहरीले जनाएको छ ।
शनिवार वेलुका घरवाट निस्किएका अध्यक्ष यादवको मृत्युको कारण भने खुल्न सकेको छैन । प्रहरीको अनुसार मृतकको नाकवाट रगत वगेको, तिघ्रामा चोटपटक र केही निलडाम समेत देखिएको छ ।
अहिले घटनास्थलमा प्रहरीले मुचुल्काको काम गरिरहेको छ । घटनाको थप रहस्य पोष्टमार्टमपछी मात्र एकिन गर्न सकिने जिल्ला प्रहरी कार्यालय महोत्तरीका सूचना अधिकारी डिएसपी सन्तुलाल प्रसाद जैसवारले बताए ।
