झापा । वर्षायामबाट हुने सम्भावित हानी, नोक्सानीलाइ रोकथाम तथा उद्धार गर्नका लागि जिल्लामा मनसुनजन्य विपद् व्यवस्थापन सम्बन्धी पूर्वतयारी अभ्यासको प्रस्तुतीकरण गरिएको छ ।
मन्सुनजन्य जोखिमको प्रतिकार्य स्वरुप पूर्व तयारी र विपद्को समयमा गर्नु पर्ने समन्वयात्मक कार्यलाई सहजहोस भन्ने उद्धेश्यका साथ आज नेपाली सेना अरिदमन गण चारआली ब्यारेकमा उक्त प्रस्तुतीकरण गरिएको हो ।
नेपाली सेनाले संचालन गर्दे आईरहेको अभ्यास मनशुन-४ कार्यक्रम अन्तर्गत बिषयगत प्रस्तुतिकरण तथा गोलबन्ध अभ्यास (टिटिएक्स) सञ्चालन भएको सेनाले जनाएको छ ।
उक्त कार्यक्रममा झापा जिल्ला विपद् व्यवस्थापन समितिका अध्यक्ष तथा झापा जिल्लाका प्रमुख जिल्ला अधिकारी बन्धु प्रसाद बास्तोला लगायत जिल्ला स्थित सुरक्षा निकायहरुका प्रमुख, जिल्ला रेडक्रस समितिका पदाधिकारी, विभिन्न पालिकाका प्रतिनिधि तथा पत्रकार को उपस्थिति रहेको थियो ।
कार्यक्रमको दौरान जिल्ला प्रशासन, सुरक्षा निकाय लगायत सरोकारवाला संघ संस्थाहरुले विपद् व्यवस्थापनको पूर्व तयारी, हालको अवस्था र क्षमताको सम्बन्धमा प्रस्तुतीकरण समेत दिएका थिए ।
उक्त कार्यक्रममा आधारित रहेर भोली (मंगलबार) मेचीनगर नगरपालिका स्थित निचाझोडा सिमसार क्षेत्रमा विपद् व्यवस्थापन सम्बन्धी वृहत डेमोष्ट्रेशन र वृक्षरोपण कार्यक्रम समेत रहेको नेपाली सेना चारआली ब्यारेकले जनाएको छ ।
