दमौली । पृथ्वी राजमार्ग अन्तरगत तनहुँको व्यास नगरपालिका-१ बुल्दीपुलमा ट्याक्सी दुर्घटना हुँदा छ जना घाइते भएका छन् ।
आज दिउँसो २:०० बजे डुम्रेबाट दमौलीतर्फ आउदै गरेको ग१ज ३७३२ नम्बरको ट्रयाक्सीले पैदल यात्रा गरिरहेका दुई बालिकालाई ठक्कर दिएपछि आफै अनियन्त्रित भएर सडकबाट तल खसेको हो ।
ट्याक्सीले पैदल यात्रा गरिरहेका व्यास नगरपालिका-१ गल्फुबेसी बस्ने आठ वर्षीया नाहिशा गुरुङ र ४ वर्षकी निहा गुरुङलाई ठक्कर दिएको जिल्ला प्रहरी कार्यालय तनहुँका प्रवक्ता प्रहरी नायव उपरीक्षक मोहन बहादुर खाँणले जानकारी दिए ।
पैदलयात्रीलाई ठक्कर दिएपछी सडकबाट खसेको ट्याक्सीमा सवार चार जना समेत घाइते भएका छन् ।
घाइते पैदलयात्री दुई बालिकाको गण्डकी मेडिकल कलेज, पोखरामा उपचार भइरहेको छ । त्यस्तैगरी ट्याक्सीमा सवार पोखरा महानगरपालिका -१० बस्ने बर्ष ५७ कि हेमकला राई र बर्ष ६४ कि बिष्णु कुमारी गुरुङको मणिपाल शिक्षण अस्पताल पोखरामा उपचार भइरहेको छ ।
यात्रु व्यास नगरपालिका-१ गल्फुबेसी बस्ने बर्ष २८ कि सपना अधिकारी र ट्याक्सी चालक पोखरा महानगर-१० बस्ने वर्ष ४० का गौतम गुरुङको दमौली अस्पतालमा सामान्य उपचारपछि डिस्चार्ज गरिएको प्रवक्ता खाँणले बताए ।
