पाल्पा । पाल्पामा रहेको चौधरी ग्रुपको सिमेन्ट फ्याक्ट्रीभित्र टिपर दुर्घटना हुँदा सोही फ्याक्ट्रीमा काम गर्ने मजदुरको निधन भएको छ ।
पाल्पा रैनादेवी छहरा गाउँपालिका-२ मा रहेको चौधरी ग्रुपको सिमेन्ट फ्याक्ट्रीभित्र लु १ क ३१६१ नम्बरको माटो बोकेको लोड टिपर दुर्घटना भएको थियो ।
फ्याक्ट्रीको कम्पाण्डभित्र एक ठाउँबाट माटो लोड गरेर अर्को ठाउँमा लैजाने क्रममा अनियन्त्रित भएर टिपर दुर्घटना भएको जिल्ला प्रहरी कार्यालय पाल्पाका प्रवक्ता प्रहरी नायव उपरीक्षक सुगन्ध श्रेष्ठले बताए ।
दुर्घटनामा टिपरमा सवार पाल्पा रिब्दिकोट गाउँपालिका-१ ख्या बस्ने वर्ष २४ को शिर बहादुर पालुङ्गे घाइते भएका थिए ।
घाइते पालुङ्गेलाई उपचारको लागि लुम्बिनी मेडिकल कलेज प्रभास पाल्पा लगिएकोमा अस्पताल पुर्याउनसाथ चिकित्सकले मृत घोषित गरेका हुन् ।