पोखरा । माछा मार्ने क्रममा करेन्ट लागेर पोखरामा श्रीमान- श्रीमतीको निधन भएको छ ।
हिजो दिउँसो ४:०० बजे पोखरा महानगर-२९ पटनेरी स्थित खेतमा पानी लैजाने कुलोमा माछा मार्नको लागि लगाएको करेन्ट उनीहरूलाई लाग्दा दुवैजना घाइते भएका थिए ।
मुस्ताङ जोमसोम घर भई पोखरा-२९ पटनेरी डेरा गरी बस्ने बर्ष अन्दाजी ४६ को भीमलाल सुनार उनको श्रीमती ४६ वर्षकी सावित्री सुनार को निधन भएको हो ।
सुनार दम्पतीलाई करेन्ट लागेर घाइते भएको सूचनापछि इलाका प्रहरी कार्यालय शिशुवाबाट प्रहरी घटनास्थलमा पुगेको थियो ।
जिल्ला प्रहरी कार्यालय कास्कीका अनुसार पश्चिम क्षेत्रिय अस्पतालमा दुवैको ५:२० देखि ५:३० को बीचमा निधन भएको हो ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
