भक्तपुर । भक्तपुरको मध्यपुर ठिमी नगरपालिका-३ कौशलटारमा मर्निङ वाकमा निस्केका दुई महिलालाई चितुवाले आक्रमण गरेको छ ।
आज बिहान ६:३० बजेतिर कौशलटार, तेस्राटार हाइटमा मर्निङ वाकमा निस्केका दुई महिलामाथि चितुवाले आक्रमण गरेको हो ।
प्रहरी परिसर भक्तपुरका प्रवक्ता डिएसपी बसन्त पाठकका अनुसार घाइते महिलाहरूलाई उपचारको लागि अस्पताल लगिएको छ । उनीहरूको परिचय खुल्न बाँकी नै छ ।
वन कार्यालयले चितुवालाई नियन्त्रणमा लिने प्रयास गरेको बताइएको छ ।