काठमाडौँ ।नेपालको अग्रणी इन्टरनेट र आइपिटिभी सेवा प्रदायक मध्येको एक भायानेट कम्युनिकेसनले २४ औँ वार्षिकोत्सवको अवसरमा ग्राहकहरूको लागि अफर ल्याएको छ।
सन् १९९९ मा स्थापना भएदेखि नै, भायानेटले अत्याधुनिक ब्रोडब्यान्ड इन्टरनेट र आईपीटीभी सेवाहरू उपलब्ध गराएर उपभोक्ताहरूको डिजिटल अनुभव सुधार गर्न लागिपरेको छ ।
भायानेटले २४ औँ वार्षिकोत्सवको अवसरमा १२५ एमबिपिएस इन्टरनेटको ३-महिना सदस्यता शुल्क भ्याटबाहेक मात्र दुई हजार चार सय २४ रुपैयाँमा उपलब्ध गराउने भएको छ ।
यस प्याकेजका नयाँ ग्राहकहरूले जडान शुल्कमा पनि छुट पाउनेछन्। यसका साथै भायानेटको चाडपर्व अफरअन्तर्गत सबै ३ महिना वा सोभन्दा माथिका भायानेट ग्राहकहरूले अल्टिमा वायरलेस इयरबड्स र हिमस्टारका उपकरणहरूमा ५०% सम्म छुट उपलब्ध छ।
पुराना ग्राहकको इन्टरनेट नि:शुल्क अपग्रेड गरेको अफर पनि कम्पनीले सार्वजनिक गरेको छ । २०० एमबिपिएस इन्टरनेट हुनेहरूको इन्टरनेट गति २५० मा अपग्रेड भएको छ, त्यस्तै ३०० एमबिपिएस इन्टरनेट भएका ग्राहकहरूलाई नि:शुल्क ४०० एमबिपिएसको इन्टरनेट उपलब्ध गराइएको छ भने अन्य प्याकेजमा पनि इन्टरनेट निःशुल्क अपग्रेड गरिएको कम्पनीले जारी गरेको विज्ञप्तिमा उल्लेख छ ।
भायानेटले कम्पनीलाई अगाडि बढाउन सहयोग गर्ने कर्मचारी, ग्राहक र सबै सरोकारवालाहरूलाई धन्यवाद दिएको छ।
