काभ्रे । बनेपाबाट सिन्धुलीतर्फ जाँदै गरेको मोटरसाइकल दुर्घटना हुँदा चालकको निधन भएको छ ।
आज दिउँसो १:०० बजे काभ्रे रोशी गाउँपालिका-११ माम्दी स्थित बि.पि राजमार्गमा बा ९६ प ९२६१ नम्बरको मोटरसाइकल दुर्घटना भएको थियो ।
सडकमा गुडिरहेको मोटरसाइकल आफै अनियन्त्रित भई बायाँ साईडको डिभाईडरमा ठोक्किएर नालीमा खसेको प्रहरीले जनाएको छ ।
उक्त दुर्घटनामा चालक बनेपा नगरपालिका-१० जनागाल बस्ने २५ वर्षीय सर्वेश्वर हुमागाई घाईते भएका थिए ।
टाउकोमा चोट लागेर घाइते भएका हुमागाईलाई उपचारका लागि धुलिखेल अस्पताल लगिएकोमा उपचारकै क्रममा चिकित्सकले मृत घोषित गरेको जिल्ला प्रहरी कार्यालय काभ्रेका प्रवक्ता डिएसपी राजकुमार श्रेष्ठले जानकारी दिए ।
मोटरसाइकल ईलाका प्रहरी कार्यालय मंगलटारको नियन्त्रणमा रहेको बताइएको छ ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
