पाँचथर । पाँचथरको फिदिम नगरपालिका-११ फेवादिनमा स्कुटर दुर्घटना हुँदा एक जनाको निधन भएको छ ।

शनिबार बिहान साढे ७ बजे नागिनबाट फिदिमतर्फ आउदै गरेको प्रदेश १-०३-००१ प ५२७१ नम्बरको स्कुटर आफै अनियन्त्रित भई दुर्घटना भएको हो ।

उक्त दुर्घटनामा स्थानीय ७० बर्षीय हेम कुमार कार्की र उनको श्रीमती ६५ बर्षीय माया देवी कार्की घाईते भएका थिए । घाईते उनीहरुलाई उपचारको लागी जिल्ला अस्पताल पाँचथर लगीएकोमा उपचारको क्रममा माया देवी कार्कीको मृत्यु भएको जिल्ला प्रहरी कार्यालय पाचँथरले जनाएको छ ।