काठमाडौं । लामोसमयदेखि प्रेम सम्वन्धमा रहेका अभिनेता सौगात मल्ल र पूर्वमिस नेपाल तथा अभिनेत्री सृष्टि श्रेष्ठबीचको सम्बन्धमा खटपट आएको छ ।
सात वर्ष देखि प्रेम सम्वन्धमा रहेका उनीहरूले एकअर्कालाई इन्स्टामा अनफ्लो गरेपछि उनीहरूको ब्रेकअप भएको हल्ला चलेको हो ।
सेलिब्रेटीहरुले सामाजिक सञ्जालबाट तस्बिर हटाउँदा सम्बन्धमा खटपट आएको र ब्रेकअप भएको यस अगाडिका धेरै उदाहरण छन् । त्यसैले पनि फिल्मी बजारमा सौगात र श्रृष्टीबीच ब्रेकअपको हल्ला चलिरहँदा हटेका तस्बिरले यसलाई थप बलियो बनाएको छ ।
केही वर्षअगाडी विवाह बन्धनमा बाँधिने घोषणा गरेका यी जोडिको ब्रेकअपको हल्लाले सिने बजार गर्माएको छ । कोरोना महामारी नभित्रिएको भए सम्भवतः २०७७ सालमै यो जोडी विवाह बन्धनमा बाँधिन सक्थे । अनलाइन खबरसँग कुरा गर्दै सौगातले सहमतिमै आफूहरु अलग हुने बाटोमा अघि बढेको बताएका छन् । सृष्टि चाहिं आराम गर्न भन्दै यतिबेला लण्डनमा परिवारसँग छिन् ।
सौगतको भनाई उद्दृत गर्दै अनलाइन खबरले लेखेको छ ‘काममा फोकस हुनुपर्ने समयमा हामी एकापसमा धेरै इन्गेज भयौं । हाम्रो कुरै भएको हो,’ सौगातले भने, ‘मलाई यसमा अहिले हतार छैन, हेर्दाखेरि उसलाई पनि हतार देखिएन । काममा फोकस गरौं भन्ने हो ।’
फिल्म ‘राधा’ रिलिजसम्म पनि सौगात र सृष्टि प्रेममै थिए । सृष्टिको इन्स्टाग्राम सौगातसँगका तस्बिरले भरिएको थियो । केही अगाडिसम्म दुवैको तस्बिर सृष्टिका इन्स्टाग्राममा थुप्रै भेटिन्थ्यो । तर, अहिले सृष्टिको इन्स्टाग्राममा सौगातसँगका कुनै पनि तस्बिर छैन ।
सौगात र सृष्टि फिल्म ‘गाजलु’ बाट नजिकिएका थिए । त्यसपछि उनीहरू केही समय लिभिङ टूगेदरमा पनि रहे ।
