काठमाडौं । नेपालभरि नै व्यावसायिक र व्यक्तिगत प्रयोजनका लागि उच्च गतिको इन्टरनेट र टेलिभिजन सेवाका लागि परिचित भायानेट कम्युनिकेसन लि. ले तीन वटा स्थानमा आफ्नो शाखा विस्तार गरेको छ ।
भायानेटले आफ्नो सेवा विस्तार गर्ने क्रममा मोरङ जिल्लाको उर्लाबारीमा, तनहुँ जिल्लाको आँबुखैरेनी र दाङ जिल्लाको लामटियामा नयाँ शाखा विस्तार गरेको हो ।
आफ्नो ग्राहकहरूका लागि समय-समयमा विभिन्न योजनाहरू सञ्चालन गर्ने भायानेटका योजनाहरूबाट अब ती स्थानका सर्व-साधारण पनि लाभान्वित हुने कम्पनीले जारी गरेको विज्ञप्तिमा उल्लेख छ ।
पछिल्लो समय ग्राहकले भायानेटको अल्ट्रा-फाई जस्ता योजनाहरू मार्फत सुपथ मूल्यमा उच्चस्तरको इन्टरनेटसँगै १७५ भन्दा बढी च्यानल भएको भायाटिभीको मजा लिन पाउनेछन्।
यसै सन्दर्भमा उर्लाबारी, आँबुखैरेनी र लामटियामा सेवा विस्तार भएको खुसीयाली बाँड्न कम्पनीले आफ्नो अल्ट्रा फाई प्याकेजमा विशेष ओपनिङ अफर उपलब्ध गराएको जनाएको छ । यो सुविधा भने कम्पनीले सीमित अवधिको लागि ल्याएको छ।
भायानेटले नेपालमा पहिलो पटक फाइबर अप्टिक इन्टरनेट सेवा उपलब्ध गराएको थियो भने सन् २०१६ मा यसले नेपालमा पहिलो आइपि टिभी सेवाको पनि शुभारम्भ गरेको थियो । तीव्र गतिको स्तरीय इन्टरनेट सेवा प्रदायकको रूपमा परिचित भायनेट आइ. एस. ओ. ९००१:२०१५ प्रामाणिक कम्पनी हो।
भायनेटले आफ्ना ग्राहकहरूलाई विश्व स्तरीय, गुणस्तरीय सेवा प्रदान गर्न नोकिया, जुनिपर, सिस्को र सियना जस्ता अत्याधुनिक प्रविधिमैत्री विश्वका प्रसिद्ध ब्रान्डहरूसँग सहकार्य गरेको छ।
अत्याधुनिक प्रविधिको ब्रोडब्याण्ड सेवासँगै गुणस्तरीय टेलिभिजन सेवा प्रदान गरिरहेको भायानेट पछिल्लो समय देशैभर विस्तार गर्ने क्रममा रहेको छ।