काभ्रेपलान्चोक जिल्लाको बेथानचोक गाउँपालिका-४ ढुंखर्कमा यात्रु बाहक बस दुर्घटना भएको छ । जिल्ला प्रहरी कार्यालय काभ्रेका सूचना अधिकारी डिएसपी ढुण्डिराज न्यौपानेले केटिएम दैनिकलाई दिएको जानकारी अनुसार अहिलेसम्म २९ जना घाइतेलाई उद्धार गरी उपचारको लागि अस्पताल पुर्याइएको छ ।
प्रहरीलाई सहचालकले दिएको जानकारी अनुसार उक्त बसमा ३२ देखि ३५ जना यात्रुहरू सवार थिए । दुर्घटना आज बेलुका ६:३० देखि ७ बजेको समयमा भएको जनाइएको छ ।
घाइतेहरूको धुलिखेल अस्पताल र शिर मेमोरियल अस्पतालमा उपचार भइरहेको डिएसपी न्यौपानेले बताए । अहिलेसम्म कति जनाको निधन भएको भन्ने पुष्टि हुन बाँकी रहेको उनले बताए ।
भान्जाको छेवर मा गएका व्यक्तिहरू चढेको बस दुर्घटना भएको जनाइएको छ । उनीहरू घर फर्कने क्रममा बस दुर्घटना भएको प्रहरीले जनाएको छ ।
काभ्रे दुर्घटना अपडेट : घटनास्थलमा १५ जनाको निधन, मृतकको सङ्ख्या अझै बढ्नसक्ने
