धेरै नेपाली विद्यार्थी माझ उच्च शिक्षाको लागि क्यानडा लोकप्रिय बन्दै गइरहेको छ। क्यानडा विद्यार्थीको पहिलो रोजाई बन्नुको कारण क्यानडाले प्रवासी विद्यार्थीलाई प्रदान गर्दै आएको विभिन्न किसिमका अवसरहरू हुन् ।
प्राविधिक तथा सीपमूलक शिक्षा अध्ययन गर्ने अवसर तथा पोस्ट ग्र्याजुएसन रोजगारीको अवसरका कारण नेपाली बिद्यार्थीहरुले क्यानडालाई आफ्नो प्रमुख गन्तव्य बनाउन थालेको पाइन्छ।
साथै कोरोना महामारी पश्चात् क्यानडाले विद्यार्थीका लागि विभिन्न नीति ल्याएसँगै नेपाली विद्यार्थीहरू माझ क्यानडा लोकप्रिय बनेको हो। बिद्यार्थीहरुमा बढ्दै गएको सोही जिज्ञासा मेटाउने मनसायले नेपालकै सबभन्दा ठुलो एजुकेशनल मेला हुन गइरहेको छ ।
नेपालका शीर्ष तीन क्यानेडियन कन्सल्टेन्सी क्यानेडियन स्टडी सेन्टर, सी आई सी एडुकेसन हब, कन्सल्टेन्सी दाको संयुक्त आयोजनामा नेपालकै ठुलो क्यानेडियन एजुकेसन मेला कार्तिक २१ अर्थात् नोभेम्बर ७, २०२२ मा हुन गइरहेको छ।
बानेश्वर स्थित एभरेस्ट होटेलमा हुन गइरहेको उक्त मेलामा क्यानडाको प्रख्यात फंशावे कलेजका रिप्रीजेन्टेटिभहरु प्रणव राठी र सौरभ मलहोत्रा विद्यार्थीहरूमाझ विद्यार्थीको प्रश्नको उत्तर दिने उद्देश्यका साथ उपस्थित हुँदै छन् ।
उक्त एडुकेसनल मेलामा विद्यार्थी क्यानडामा अध्यापन हुने विभिन्न कोर्स तथा २०२३ को इन्टेकका बारेमा जानकारी पाउनेछन् । साथै उक्त मेलामा क्यानडामा प्रवासी विद्यार्थीलाई कुन ठाउँमा बस्नु लाभदायक तथा उपयुक्त हुने लगायत अन्य विभिन्न विषयमा विस्तृत जानकारी दिने मेला आयोजकहरू बताउँछन् ।
मेलामा सहभागी बिद्यार्थीहरुले कन्सल्टेन्ट हरि अधिकारी, दिपेस के सी, अभिनय अधिकारी, अनुप अधिकारी लगायतसँग भिसा प्रोसेसिङ्गका बारे बुझ्ने अवसर पाउने छन्।
उक्त मेलामा सहभागी हुन कुनै शुल्क लाग्दैन तर त्यसका लागि विद्यार्थीले आयोजक तिन वटै कन्सल्टेन्सी ( कन्सल्टेन्सी दा, सी आई सी एडुकेसन हब तथा क्यानडा स्टडी सेन्टर) को वेबसाइटबाट रजिस्टर गर्नुपर्नेछ ।