भक्तपुर प्रहरीले ६०० थान नाइट्राभेट लागू औषध ट्यावलेट सहित एक व्यक्तिलाई पक्राउ गरेको छ ।
हिजो (सोमबार) बेलुका सात बजे आसपासको समयमा मध्यपुर ठिमी नगरपालिका वडा नं. १ लोकन्थली स्थित आँखा अस्पताल नजिकबाट ठूलो परिमाणको ट्यावलेट सहित एक युवक पक्राउ परेका हुन् ।
भक्तपुर प्रहरी प्रवक्ता डिएसपी राजु पाण्डेका अनुसार यसरी पक्राउ पर्नेमा सिरहाको लाहान नगरपालिका-४ घर भई हाल ललितपुर पाटन बस्ने २३ वर्षीय रमेश कुमार आनन्द हुन् ।
प्रहरी प्रभाग बालकोट भक्तपुरबाट खटिएको प्रहरी टोलीले प्रहरीले लागू औषध विक्रिवितरण तथा ओसार पसार हुँदै छ भन्ने सूचनाको आधारमा उनलाई पक्राउ गरेको हो ।
पक्राउ परेका आनन्दलाई हरी वृत्त ठिमी भक्तपुरमा राखि थप अनुसन्धान कार्य भइरहेको डिएसपी पाण्डेले बताए ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
