सासंद विद्या भट्टराई कास्की-२ बाट प्रतिनिधिसभा सदस्यका लागि सिफारिस भएकी छन् ।
मंसिर चार गते हुन गइरहेको प्रदेश सभा तथा प्रतिनिधि सभा निर्वाचनका लागि कास्की २ मा एमालेबाट चार जनाको नाम सिफारिस भएको छ ।
भट्टराईसहित भुपेन्द्र गिरी, केशव आचार्य र प्रभा कोइराला लाई प्रतिनिधिसभा सदस्यका लागि कास्की क्षेत्र नम्बर २ बाट प्रत्यक्ष तर्फको निर्वाचनमा नाम सिफारिस भएको नेकपा एमाले क्षेत्रीय कमिटिले जनाएको छ ।
स्व. रवीन्द्र अधिकारीको हेलिकप्टर दुर्घटनामा निधन भएपछि रिक्त रहेको उक्त स्थानमा उपनिर्वाचन भएको थियो । २०७६ सालको उपनिर्वाचनमा नेकपा एमालेले भट्टराईलाई उठाएको थियो । भट्टराई २४,३९४ मतसहित सासंद निर्वाचित भएकी हुन् ।
भट्टराई हेलिकप्टर दुर्घटनामा परी निधन भएका नेता रवीन्द्र अधिकारीकी पत्नी हुन्।
केहीसमयअगाडि संसदमा भएको उपसभामुखको मतदानमा उम्मेदवार बनेकी भट्टराईले ९३ मत पाएकी थिइन् ।
