राष्ट्रिय युवा संघले सरकारविरुद्ध प्रदर्शन गरेको छ । नेकपा एमाले निकट युवा संघले महँगी र भ्रष्टाचार बढेको, देशमा आर्थिक संकट उत्पन्न हुँदा पनि सरकारले ध्यान नदिएको लगायतका आरोप लगाउँदै प्रदर्शन गरेको हो ।

सरकारको हतियार किन्ने निर्णयको बिरोधमा समेत प्रदर्शन गरिएको युवा संघले जनाएको छ । देशमा बिदेशी मुद्राको संचिति कम भएको बेला कमिशनको चक्करमा सरकारले हतियार किन्न लागेको उनीहरुको आरोप छ ।

प्रदर्शनमा सहभागी कार्यकर्ताहरूले गठबन्धनको उपहार महँगी र भ्रष्टाचार, हतियारको खेलोमा श्रीलंकाको मेलोमा लगायतका नारा लगाएका थिए ।

प्रदर्शनपछि उनीहरूले प्रधानमन्त्री शेरबहादुर देउवाको पुत्ला समेत दहन गरेका थिए ।