अश्लिल शिर्षक राखी समाजमा अश्लिलता फैलाउने किसिमका भिडियोहरू बनाएको आरोपमा प्रहरीले एक युट्युब सञ्चालकलाई पक्राउ गरेको छ ।
यसरी पक्राउ पर्नेमा फो रियल टिभी (https://www.youtube.com/c/4realTV4real) नामक युट्युब च्यानलका सञ्चालक प्रवेश लामा हुन् । नुवाकोट बेलकोटगढी न.पा-७ महादेवफाँट घर भई हाल काठमाडौंको बौद्ध बस्ने लामालाई प्रहरीले सोमबार पक्राउ गरेको हो ।
२२ वर्षका लामाको बारेमा काठमाडौं जिल्ला अदालतबाट पाँच दिन म्याद थप गरी अनुसन्धान भैरहेको साइबर ब्युरोका प्रवक्ता प्रहरी वरिष्ठ उपरीक्षक नबिन्द अर्यालले बताए ।