काठमाडौं महानगरको प्रमुख पदमा स्वतन्त्र उम्मेदवार बालेन साहले फराकिलो मतको अग्रता कायम गरिरहँदा कैलालीको धनगढी उपमहानगरपालिकामा पनि स्वतन्त्र उम्मेदवारले फराकिलो अग्रता लिइरहेका छन् ।
उक्त उपमहानगरमा आँप चुनाव चिह्नका स्वतन्त्र उम्मेदवार गोपाल हमाल सत्ता गठबन्धनबाट नेपाली कांग्रेसका नृपबहादुर वडभन्दा दोब्बरभन्दा बढी र नेकपा एमालेका रणबहादुर चन्दभन्दा झण्डै चार गुणा मतले अगाडि छन् ।
यसअघि २०७४ सालको निर्वाचनमा उनी वडसँग झिनो मतान्तरले पराजित भएका थिए ।
पछिल्लो मतपरिणाम अनुसार हमालले ११३१२ मत पाएका छन् भने वडले ५४९० मतले पछ्याइरहेका छन् । यी दुईबीच तीन हजार पाँच हजार ८२२ मतको अन्तर छ ।
त्यस्तैगरी एमालेका उम्मेदवार चन्दले २५६७ मत ल्याएका छन् । गठबन्धन र एमालेका उम्मेदवारबीच दुई हजार ९२३ मतको अन्तर छ । स्वतन्त्र उम्मेदवार र एमालेबीच भने आठ हजार ७४५ मतान्तर रहेको छ ।
केही समय विवेकशील साझा पार्टीको सुदूरपश्चिम प्रदेश संयोजक बनेका हमालले त्यो जिम्मेवारी छाडेर दोस्रो पटक धनगढीको मेयरमा ‘स्वतन्त्र’ उम्मेदवारी दिएका हुन् ।
