निर्धारित समय भन्दा अगाडि जहाज उडेपछि एक यात्रु छुटेका छन् ।
नेपालगन्जदेखि जुम्लामा आउने यति एयरलाइन्सको जहाज समय अगावै उडाउँदा चन्दननाथ नगरपालिका-७ जुम्ला निवासी गोविन्दबहादुर महत यात्रा गर्नबाट बञ्चित भएका हुन् ।
उनले काटेको जहाजको टिकटमा उड्ने समय एक बजे तोकिएको थियो । विमानस्थलमा उनलाई बोर्डिङ पास समेत दिइसकिएको थियो । तर समयअगाडि नै जहाज उडेपछि उनले यात्रा गर्न पाएनन् ।
जहाज निर्धारित समय भन्दा अगाडि नै उडेको भन्दै महतले बाँके प्रशासनमा निवेदन दिएका छन् । उनले दिएको निवेदनको सुनुवाइ गर्दै बाँके प्रशासनले एयरलाइन्सलाई कारबाही गर्न नेपाल नागरिक उड्डयन प्राधिकरणलाई पत्र काटेको गरेको छ ।
बाँके जिल्ला प्रशासनले नागरिक उड्डयन प्राधिकरण नेपालगन्जलाई मंगलबार आवश्यक कारबाही गर्नभन्दै पठाएको पत्र काटेको हो ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
