जनता जान्न चाहान्छन् भन्दै सँधै अरूमाथि हमला गर्ने सञ्चारकर्मी ऋषि धमलामाथि आज प्रेस काउन्सिल नेपालमा ‘हमला’ हुने भएको छ ।
सँधै अरूलाई हमलाई गर्ने धमला माथि नै आज काउन्सिलमा विभिन्न प्रश्नहरूले हमला हुने भएको हो । उनलाई प्रेस काउन्सिलले र्याखर्याख्ती पार्ने समेत बुझिएको छ ।
धमलाले पत्रकारिता पेशाकै बदनाम गरेको भन्दै अग्रज पत्रकारहरूले धमलाको शैलीप्रति विरोध जनाईरहेका छन् ।
पत्रकार ऋषि धमलाले नेपाल एयरलाइन्सको विमानभित्र देखाएको उद्दण्ड व्यवहारका विषयमा दिएको लिखित स्पष्टिकरणको विषयमा चित्त नबुझेपछि आज अपरान्ह १२ बजे अगाडि नै धमलालाई काउन्सिलमै बोलाएर बयान लिने भएको हो।
प्राइम टाइम्स टेलिभिजनबाट २०७८ चैत २० गते जनता जान्न जाहन्छन् कार्यक्रमअन्तर्गत ‘काठमाडौं उत्रिएपछि विमानस्थलबाटै ऋषि धमलाको रिपोर्टिंड, सेक्युरिटीले रोकेपछि यस्तोसम्म भयो’ शीर्षकमा राखिएको भिडिओमा वायु सेवाका कर्मचारीहरुले सेक्युरिटी पोटोकलविपरीत हो, यसो नगरिदनुहुन, यसो गर्न मिल्दैन’ भन्दाभन्दै पनि बलजफती जबरजस्तीरुपमा निषेध गरिएको क्षेत्रमा छिरेर भिज्युअल रेकर्ड गरेका थिए ।
काउन्सिलमा हिजो (आइतबार) बसेको आचारसंहिता अनुगमन समितिको बैठकले धमलाले पेस गरिएका तर्कमा सन्तुष्ट हुन नसकिएकाले बयानका लागि बोलाउने निर्णय भएको समाचार यसअगाडि नै प्रकाशित भैसकेको छ।
धमलाले छिटो समाचार सम्प्रेषण गर्नु पत्रकारको धर्म हुने भन्दै आफ्नो गलत क्रियाकलापको बचाउ गर्न खोजेको काउन्सिलको निष्कर्ष छ । अब उहाँको बयानपछि काउन्सिलले थप निर्णय लिने सक्ने अध्यक्ष बालकृष्ण बस्नेतले केटिएम दैनिकलाई बताए ।
काउन्सिलले प्राइम टिभीका समाचार प्रमुखलाई पनि स्पष्टीकरण सोधेको थियो । उनलाई भने मौखिक बयानका लागि बोलाइएको छैन ।