सञ्चारकर्मी ऋषि धमलाले प्रधानमन्त्री शेर बहादुर देउवाको भारत भ्रमणको क्रममा नेपाल फर्किँदै गर्दा विमानभित्रैबाट प्रत्यक्ष प्रशारण गरेको सामाग्रीप्रति चित्तबुझ्दो जवाफ नदिएपछि काउन्सिलले उनलाई कार्यालयमै उपस्थित हुन पत्र काटेको छ ।
चैत २२ गते २४ घण्टे स्पष्टिकरण पत्र काटेपछि धमलालाई त्यसको उत्तर दिएका थिए । धमलाको जवाफ चित्तबुझ्दो नभएपछि उनलाई भोली १२ बजे भित्र काउन्सिलको कार्यालयमा उपस्थित हुन पत्र काटिएको हो ।
प्राइम टाइम्स टेलिभिजनबाट २०७८ चैत २० गते जनता जान्न जाहन्छन् कार्यक्रमअन्तर्गत ‘काठमाडौं उत्रिएपछि विमानस्थलबाटै ऋषि धमलाको रिपोर्टिंड, सेक्युरिटीले रोकेपछि यस्तोसम्म भयो’ शीर्षकमा राखिएको भिडिओमा वायु सेवाका कर्मचारीहरुले सेक्युरिटी पोटोकलविपरीत हो, यसो नगरिदनुहुन, यसो गर्न मिल्दैन’ भन्दाभन्दै पनि बलजफती जबरजस्तीरुपमा निषेध गरिएको क्षेत्रमा छिरेर भिज्युअल रेकर्ड गरेका थिए ।
यस विषयमा काउन्सिलका अध्यक्ष बालकृष्ण बस्नेतले केटिएम दैनिकसँग भने “उहाँको जवाफ चित्त बुझ्दो नभएकोले थप छलफलको लागि काउन्सिलमै बोलाउने निर्णय गरिएको छ।”