न्यूनतम पारिश्रमिक निर्धारण समितिको अध्यक्ष बन्नुको लागि ६ जना पत्रकार प्रतिष्पर्धामा उत्रिएका छन् ।
राजेन्द्र अर्याललाई हटाइएपछि रिक्त रहेको न्यूनतम पारिश्रमिक निर्धारण समितिको अध्यक्ष बन्नका लागि ६ जना प्रतिष्प्रर्धामा उत्रिएका हुन् ।
ती सबै पत्रकारीता पृष्टभूमिका छन् । न्यूनतम पारिश्रमिक समितिले समेत २७ फागुनमा दरखास्त आह्वान गरेकोमा दरखास्त हाल्नेहरुमा उत्तरसिंह विष्ट, ठाकुरप्रसाद बेल्बासे, विदुर खड्का, रामप्रसाद दाहाल, लालबहादुर ऐरी र संगीता खड्का छन् ।
मन्त्रालयले गठन गरेको छनोट उपसमितिका अनुसार, छनोटमा परेका उम्मेदवारको व्यावसायिक कार्ययोजनाको प्रस्तुतीकरण र अन्तर्वार्ता हुनेछ । यसको मिति पछि तय हुने बताइएको छ ।