नयाँ बानेश्वरमा एमसीसी विरुद्धको प्रदर्शन जारी छ ।
नेकपा माओवादी केन्द्रका नेता तथा कार्यकर्ताहरूले एमसीसीविरुद्धको आन्दोलन गर्न छाडेर प्रदर्शन स्थल नयाँबानेश्वर छाडेका छन् ।
एमसीसी सदनबाट अनुमोदन गराउन नहुने माग राखेर केही दिनयता प्रदर्शन गर्दै आएका माओवादी नेता कार्यकर्ताहरूले आइतबार औपचारिकता मात्र पूरा गरेर फर्किए ।
माओवादीले व्याख्यात्मक टिप्पणीसहित एमसीसीको पक्षमा मतदान गर्ने निर्णय गरेपछि कार्यकर्ताहरू रुष्ट बनेका छन् ।
बानेश्वर क्षेत्रमा अहिले माओवादीबाहेक राप्रपा, नेत्रविक्रम चन्द विप्लव नेतृत्वको नेकपासहितका राजनीतिक दल र सङ्घ सङ्गठन विरोध प्रदर्शनमा उत्रिएका छन् ।
यो समाचार तयार पार्दासम्म त्यहाँ शान्तिपूर्ण प्रदर्शन भइरहेको छ ।
एमसीसीमाथि छलफल गर्न आइतबार प्रतिनिधिसभाको बैठक बस्दै छ ।