बिभिन्न राजनीतिक दलहरुले आज अमेरिकी विकास सहयोग मिलेनियम च्यालेन्ज कर्पोरेसन (एमसीसी)विरुद्ध प्रदर्शन गरेका छन् ।
दलहरुले अधिकांश विरोध कार्यक्रम काठमाडौंको माइतिघरदेखि कोटेश्वरसम्म राखेका थिए । ठाउँको अभाव हुँदा एउटै स्थानमा पार्टीका कार्यक्रमहरु जुधेका छन् ।
एमसीसीविरुद्ध विरोध प्रदर्शनको आयोजना गर्नेमा सत्तारुढ दलदेखि साना दलसम्म रहेका छन् ।
नेकपा (माओवादी केन्द्र) निकट जवस/मोर्चाहरूले यथास्थितिमा एमसीसी पास गर्ने कदम विरुद्ध माइतिघरदेखि नयाँ बानेश्वरसम्म प्रदर्शन गरेका थिए । यसअगाडिका प्रदर्शनमा प्रहरीसँग झडप भएतापनि आजको प्रदर्शन भने शान्तिपूर्ण रह्यो ।
उनीहरू कार्यक्रम गरेर फर्किसकेपछि अन्य साना कम्युनिस्ट घटकहरूले बानेश्वरमा प्रदर्शन गरेका थिए । त्यसपछि विप्लव निकटका कार्यकर्ताहरूको प्रदर्शन सुरु भएको छ । यो प्रदर्शन जारी छ ।
नेकपा (एकीकृत समाजवादी) आबद्ध जनसंगठनहरूले एमसिसी विरुद्ध कमलादीस्थित प्रज्ञा भवन डबलीमा खबरदारी सभा गरेका छन् ।
नेकपा (माओवादी) ले शुक्रबार देशभर एमसीसीको विरोधमा मसाल जुलुस तथा पुत्ला दहन गर्ने जनाएको छ ।
थप तस्विरहरू