अमेरिकी सहयोग परियोजना एमसीसीको विरोधमा प्रदर्शनका उत्रिदा देखिएको नयाँ बानेश्वर क्षेत्रलाई हामीले २० तस्विरमा कैद गरेका छौं ।
आज बिहानदेखि माओवादी केन्द्रका जनवर्गीय संगठनहरूले सुरुवात गरेको प्रदर्शनमा केही बेरपछि अन्य राजनैतिक दलहरू पनि समावेश भएका थिए ।
अन्य राजनैतिक दलहरू पनि प्रदर्शनमा सहभागी भएपछि उनीहरूले एभरेष्ट होटल अगाडि प्रहरीले लगाएको निषेधित घेरा (फलामे बार) तोड्न सफल भएका थिए ।
फलामे बार तोडेर प्रहरीमाथि ढुंगामुढा हुन थालेपछि प्रहरीले स्थितीलाई नियन्त्रणमा लिनको लागि पानीको फोहोरा र अश्रुग्याँस प्रयोग गरेको थियो ।
प्रहरीले पानीको फोहोरा र अश्रुग्याँस प्रहार गरेसँगै प्रदर्शनकारीहरू तितरवितर भएका थिए । त्यससपछि मुख्य सडक र सहायक सडक हुँदै सुरक्षाकर्मीको टोलीले प्रदर्शनकारीहरूलाई बिजुलीबजारसम्म लखेट्न सफल भएको थियो ।
त्यहाँसम्म पनि प्रहरीमाथि ढुंगा हान्ने काम रोकिएन् । प्रहरी अगाडि बढेसँगै प्रदर्शनकारीहरू बिजुलीबजारबाट यताउता लाग्न सफल भए भने सङ्ख्या पनि पातलो हुँदै गयो ।
बिजुलीबजारमा सुनिएको पृथक नारा :
अमेरिकी सहयोग परियोजना एमसीसीको विरोधमा काठमाडौंको बानेश्वर क्षेत्रमा अहिले भैरहेको प्रदर्शनमा प्रहरी हाम्रो साथी हो भन्दै नारा लगाइएको छ ।
प्रहरीले प्रदर्शनमा उत्रिएकाहरूलाई नयाँ बानेश्वरको एभरेष्ट होटल अगाडिबाट लखेटेर बिजुलीबजार पुर्याएपछि त्यहाँ पुलिस हाम्रो साथि हो नेता राष्ट्रघाती हो भन्दै केही युवाहरूले प्रदर्शन गरेका छन् ।
बिजुलीबजारको आर्क बिज्रमा पँलेटी कसेर बसेका युवाहरूले प्रहरीले आफूमाथि लाठ्ठी नहानोस् भन्दै यस्तो नारा लगाएका हुन् ।
उनीहरूले दलाल नेता मुर्दाबाद, एमसीसी चाहिँदैन भन्दै नाराबाजी गरिरहेका छन् । गो ब्याक अमेरिका, एमसीसी खारेज गर भन्दै गरिरहेको प्रदर्शनमा साथ दिनेहरूको सङ्ख्या बढि रहेको छ ।
बिजुलीबजारको आर्क ब्रिजमा प्रहरीपनि सुरक्षा दिएर बसेका छन् । उनीहरूले प्रदर्शनकारीहरूलाई केही पनि गरेका छैनन् ।
सरकारको अनुरोधमा संसद बैठक स्थगित, भोलि दिउँसो १ बजे बस्ने
प्रतिनिधिसभाको बिहीबारका लागि बोलाइएको बैठक स्थगित गरिएको छ ।
सरकारको आग्रहमा बिहीबारका लागि बोलाइएको बैठक सूचना टाँसेर शुक्रबार दिउँसो १ बजेसम्मका लागि सारिएको संघीय संसद सचिवालयका प्रवक्ता रोजनाथ पाण्डेले जानकारी दिए ।
बिहीबार दिउँसो १ बजेका लागि बोलाइएको बैठकमा एमसीसीबारे छलफल गर्ने तयारी थियो । तर, बस्दै नबसी सूचना टाँसेर शुक्रबारसम्मका लागि स्थगित गरिएको हो ।
‘सरकारको आग्रहमा आजको बैठक स्थगित गरिएको छ । अब भोलि दिउँसो १ बजे बस्नेछ,’ जसपा प्रमुख सचेतक प्रमोद शाहले बताए ।
