संसदमा एमसीसीमा छलफल हुने भएपछि माओवादी केन्द्रका जनवर्गिय संगठनहरू नयाँ बानेश्वर क्षेत्रमा प्रदर्शन जारी राखेका छन् ।
प्रतिनिधिसभाको बैठक आज दिउँसो १ बजेका लागि बोलाइएको छ । बैठकको कार्यसूचीमा अमेरिकी सहयोग परियोजना एमसीसीमाथि छलफल हुने कार्यसूची छ ।
हजारौंको सङ्ख्यामा उपस्थित भएका कार्यकर्ताहरूले एमसीसी मूर्दाबाद भन्दै नारावाजी गरिरहेका छन् ।
सम्भावित झडपलाई लिएर प्रहरीले आज सुरक्षाकर्मीहरूको सङ्ख्या बढाएको छ ।
यसअगाडि फाल्गुन ८ गते भएको प्रदर्शनमा ठूलो सङ्ख्यामा सुरक्षाकर्मीहरू र प्रदर्शनकारीहरू घाइते भएका थिए ।