साउथ अभिनेत्री रश्मिका मन्डन्ना अहिले सामाजिक सञ्जालमा हावी छिन् । उनको फिल्म पुष्पाले बम्पर सफलता पाएको छ । रश्मिका मन्डन्नालाई नेशनल क्रस पनि भनिन्छ । अब रश्मिकाले पनि छिट्टै बिहे गर्ने खबर छ ।
रश्मिका मन्डन्ना र विजय देवरकोंडाको जोडीलाई सबैले मन पराउँछन्। हालै दुवै मुम्बईमा सँगै देखिएका थिए । त्यसपछि दुवै रिलेशनशिपमा रहेको खबर आएको थियो । यी दुबैले यसै वर्ष बिहे गर्ने खबर बाहिरिएको छ । तर, यसबारेमा रश्मिका र विजय दुवैले केही भनेका छैनन् ।
विजय देवरकोंडा र रश्मिका मन्डन्ना दुई सुपरहिट फिल्म गीता गोविन्दम र डियर कम्रेडमा देखिएका थिए । दुबैको जोडीलाई निकै रुचाइएको थियो । त्यसयता दुवै पटक पटक सँगै देखिएका छन् । त्यसयता दुवै एकअर्कालाई डेट गर्दैछन् भन्ने गसिप फिल्मी नगरीमा व्याप्त छ । विजयको अहिले लिगरको सुटिङमा व्यस्त छन् ।
रश्मिका मन्डन्नाले हालै मुम्बईमा अपार्टमेन्ट किनेकी छन् । उता रश्मिका र देवरकोंडा मुम्बईमा धेरै पटक सँगै डेटमा गएको देखिएका छन् । रश्मिका र विजयको सम्बन्धको चर्चा उनीहरुको गोवा भ्रमणबाट भएको थियो । अभिनेत्रीले विजय र उनका भाइ आनन्दसँग गोवामा नयाँ वर्ष मनाइन्। विजयकी आमासँग पनि रश्मिकाको राम्रो सम्बन्ध छ ।
सन् २०१७ मा मण्डनाले रक्षित शेट्टीसँग इन्गेजमेन्ट गरेकी थिइन् । तर, यो सम्बन्ध लामो समय टिक्न सकेन । विवाहअघि यी दुईबीच धेरै समस्या आउन थाल्यो । इन्गेजमेन्ट टुटेपछि रश्मिकालाई धेरै ट्रोल गरिएको थियो । यसबारे रश्मिकाले स्पष्ट पारेकी छिन्, ‘मैले लामो समयदेखि आफ्नो बारेमा धेरै कथाहरू सुन्दै आएको छु, यी कुराहरूले मलाई दिनहुँ सताउँछ। म यहाँ कसैलाई बुझाउन आएको होइन । मेरो अवस्था बुझ्नुपर्छ, हरेक सिक्काका दुई पाटा हुन्छन् ।