अस्ट्रेलियाका विस्फोटक अलराउन्डर ग्लेन म्याक्सवेल भारतका ज्वाइँ बन्ने भएका छन्। सामाजिक सञ्जालमा भाइरल भइरहेको म्याक्सवेलको विवाहको कार्डबाट यो खुलासा भएको हो।
म्याक्सवेलले अहिलेसम्म यसबारेमा केही बताएका छैनन् । तर उनको विवाहको कार्डको तस्विर सामाजिक सञ्जालमा भाइरल भइरहेको छ । यो कार्ड पूर्णतया भारतीय शैलीमा बनेको छ र यसमा भगवान गणेश, माता लक्ष्मी र भगवान विष्णुको फोटो पनि देखिन्छ। विशेष कुरा यो हो कि सम्पूर्ण कार्ड तमिल भाषामा छापिएको छ।
अभिनेत्री कस्तुरी शंकरले विवाहको कार्डको फोटो शेयर गर्दै म्याक्सवेल र विनी रमनको विवाह २७ मार्चमा हुने बताइन् । यो विवाह तमिल ब्राह्मणहरुको रीति रिवाज अनुसार हुनेछ ।
कस्तुरी शंकरले लेखेकी छिन्, “ग्लेन म्याक्सवेलले विनी रमनसँग विवाह गर्दैछन्। परम्परागत तमिल मुहूर्त पत्रिकाका अनुसार यो विवाह तमिल रिति-रिवाज अनुसार हुनेछ भनेर हामी भन्न सक्छौं। के विवाह पनि क्रिस्चियन संस्कार अनुसार हुनेछ। बधाई छ ग्लेन र विनीलाई। ।”
म्याक्सवेल आईपीएलमा रोयल च्यालेन्जर्स बैंगलोरबाट क्रिकेट खेल्दै आएका छन्। म्याक्सवेलले आफ्नी भारतीय मूलकी प्रेमिका विनी रमनसँग मार्च २०२० मा इन्गेजमेन्ट गरेका थिए।
भारतीय सञ्चार माध्यमका अनुसार म्याक्सवेल र विनीको विवाह परम्परागत तमिल ब्राह्मण शैलीमा हुनेछ र धेरै अष्ट्रेलियाली क्रिकेटर र अन्तर्राष्ट्रिय अतिथिहरू समारोहमा उपस्थित हुने अपेक्षा गरिएको छ।
म्याक्सवेलले मार्च २७ मा प्रेमिका विनीसँग विवाह गर्नेछन्। मार्च २०२० मा म्याक्सवेलले भारतीय परम्परा अनुसार विनीसँग इन्गेजमेन्ट गरेका थिए। अहिले दुबै जनाको तस्बिर पनि सामाजिक सञ्जालमा भाइरल बनिरहेको छ। विनीले आफ्नो इन्स्टाग्राममा म्याक्सवेलसँगका धेरै तस्विर पनि सेयर गरिसकेकी छन्।
सन् २०१९ मा म्याक्सवेलले मानसिक स्वास्थ्यको कारण क्रिकेटबाट आफूलाई टाढा राखेका थिए। तर, पछि उनले विनी कै कारण क्रिकेटमा फर्किएको बताएका थिए। विनीको पूर्खोली घर भारतको चेन्नईमा छ। तर, उनी अष्ट्रेलियामा जन्मिएकी र हुर्केकी थिइन्।
उनले उतै फार्मेसी पढेकी थिइन्। विनीका बुबा वेंकट रमन र आमा विजयलक्ष्मी रमन उनको जन्म हुनुअघि नै अस्ट्रेलियामा बसाइ सरेका थिए। विनीसँग विवाह गरेपछि म्याक्सवेल भारतीय मूलकी युवतीसँग विवाह गर्ने दोस्रो अस्ट्रेलियाली खेलाडी बन्नेछन्।
यसअघि सन् २०१४ मा अष्ट्रेलियाका पूर्व फास्ट बलर शान टेटले भारतीय मूलका मासूम सिंघासँग विवाह गरेका थिए। यी दुबै एक अर्कालाई आईपीएल पार्टीको समयमा भेटेका थिए र विवाह अघि एक अर्कासँग सम्बन्धमा थिए।
म्याक्सवेलको करियर कस्तो छ ?
ग्लेन म्याक्सवेलले अस्ट्रेलियाका लागि ११६ ओडीआई खेलेका छन् र तीन हजारभन्दा बढी रन बनाएका छन् । यस अवधिमा उनको स्ट्राइक रेट १२५ भन्दा बढी रहेको छ । म्याक्सवेलले ८१ टी–२० खेलमा १८६६ रन बनाएका छन् । यस ढाँचामा उनको स्ट्राइक रेट १५५.३७ छ।
