नेपाली कांग्रेस दोलखा प्रदेश सभा ‘क’ का सभापति शुक्र तामाङले सङ्गठन निर्माणका लागि गाउँ जाने अभियान थालेका छन् । स्थानीय प्रदेश र सङ्घीय निर्वाचनको मिति घोषणाका लागि सरकारले तयारी गरिकहरा बेला प्रदेश समितिले स्थानीय स्तरमा टोल समिति विस्तार थाल्ने तयारी थालेको सभापति लामाले बताए ।
पहिलो चरणमा प्रदेशका सम्पूर्ण गाउँ, नगर र वडा स्तरका पदाधिकारीसङ छलफल गर्ने उनले जानकारी दिए । काँग्रेसको विधान बमोजिम टोल टोलमा टोल समिति गठन गर्ने अभियान सञ्चालनको तयारीमा रहेको शुक्रको भनाई छ । उनले भने–‘टोल समिति गठन गर्ने बारेमा जिल्ला नेतृत्वसँग छलफल भइरहेको छ । जिल्ला नेतृत्वसँग छलफल सकेर गाउँ नगर र पदाधिकारीसँग छलफल गर्नेछौँ ।
त्यस लगत्तै प्रदेश समितिको बैठक राखेर टोल समिति गठन गर्ने कार्यपालिका तय गछौं ।’ उनले यो पटक तीनै तहको निर्वाचनमा काँग्रेसले नयाँ इतिहास रच्ने बताए । काँग्रेसलाई स्थानीय तह, प्रदेश र आमनिर्वाचनमा बहुमत दिलाउनका लागि जनतासँग जोडिने गरी विभिन्न कार्यक्रम दिन लागेको पनि सभापति शुक्रको भनाई छ । उनले भने–‘दोलखाका ३–३ जनालाई केन्द्रीय सदस्यमा जिताएर देशभरका काँग्रेस महाधिवेशन प्रतिनिधिहरूले हामीलाई उत्साहित बनाउनुभएको छ । जिल्लामा पनि हामीले नयाँ नेतृत्व ल्याएका छौ । लोकतान्त्रिक पद्धतिबाट नयाँ नेतृत्व ल्यायौ ।
अब दोलखाली काङ्ग्रेसहरूको उत्साहमा कमी आउन नदिई पार्टी संगनमा लाग्छौ । जसले गर्दा काँग्रेसले दोलखामा नयाँ इतिहास बनाउँछ ।’ दोलखा काँग्रेसले १४ औँ महाधिवेशनबाट तीन जना केन्द्रीय सदस्य समेत पाएका छन् । भीमबहादुर तामाङ पछि तीन जना केन्द्रीय सदस्य दोलखाले पाएको बताउँदै शुक्रले भने, ‘जिल्लामा समेत नयाँ नेतृत्व आएकाले दोलखाका आम काँग्रेस कार्यकर्तामा उत्साह जागेकाले नयाँ इतिहास रच्न सहज हुनेछ ।’ २०४६ सालदेखि नेपाली काँग्रेसमा सक्रिय शुक्रले २०४८ सालको स्थानीय र आम निर्वाचन, ५१ सालको मध्यावधि निर्वाचन, ०५४ सालको स्थानीय निर्वाचन २०५६ सालको आम निर्वाचनमा नेपाल काँग्रेसको पक्षमा माहौल बनाउन शुक्रले ठुलो भूमिका निर्वाह गरेका थिए ।
०५४ सालमा नेपाली काँग्रेसले जिल्लाभर पराजित हुँदा तत्कालीन गैरामुदी गाविसमा शुक्रले काँग्रेसलाई जिताएका थिए । शुक्रपनि गैरीमुदी गाविसका बासिन्दा हुन् । २०५८ सालमा नेपाल तरुण दलको सदस्य भएकाले तत्कालीन माओवादीले अपहरण गरेका थिए । उनलाई कठोर यातना दिएर चार महिना अपहरण गरेका थिए । सो बेलामा माओवादीको नजरबन्दबाट भागेर ज्यान जोगाएका थिए ।
माओवादीले अपहरण गरेर गाउँमा बस्न नदिएपछि शुक्र राजनीति पसेका थिए । त्यो भन्दा पनि पनि शुक्रलाई विपक्षीहरूले विभिन्न मुद्दामा फसाएर झन्डै एक दशक जेल परेका थिए । जेल मुक्त भएर फर्केपछि २०७४ सालको स्थानीय तहको निर्वाचनमा समेत आफ्नो बैतेश्वर गाउँपालिकामा काँग्रेसलाई जिताएका थिए । उनले २०७४ सालको आम निर्वाचनमा समेत पार्टीको पक्षमा गरेको योगदान दिएका थिए ।
जिल्लाभर काँग्रेस पराजित हुँदै गर्दा सदैव आफ्नो गाउँपालिकामा काँग्रेसको जीत निकाल्न सफल शुक्रको पक्षमा दोलखाका आम काँग्रेस कार्यकर्ता रहेका छन् । जसका कारणले उनी दोलखाको प्रदेश ‘क’ को सभापतिमा निर्विरोध निर्वाचित भएका थिए ।