कैलालीको धनगढीमा सँस्कृती, पर्यटन तथा नागरिक उड्डयन मन्त्री प्रेम आले सवार गाडी दुर्घटनामा परेको छ। मन्त्री आले चढेको सु.प. प्रदेश ०१ ०० १ झ ३३३ गाडीलाई बा ४ च १३७७ नम्बरको गाडीले ठक्कर दिएको हो।
धनगढी बिमानस्थलबाट ६ लेन सडक क्रस गर्दै गरेको अवस्थामा आलेको गाडीलाई अर्को गाडीले ठक्कर दिएको प्रदेश ट्राफिक प्रहरी कार्यालय अत्तरियाले जनाएको छ।
गाईलाइ ठक्कर दिएर अनियंत्रित भएको कारले मन्त्रीको गाडीलाई पनि ठक्कर दिएको प्रहरीले बताएको छ। मन्त्री सवार गाडी दुर्घटनामा परेपछि अर्को गाडी प्रयोग गरेर आले महेन्द्रनगर गएका छन्।
प्रहरीले स्कर्टिङ गरिरहेको अवस्थामा मन्त्री आलेको गाडी निजी कारसँग ठोक्किएको थियो । मन्त्री आलेको गाडीसँग ठोक्किएको कारका चालक घाइते भएका छन् । सो निजी कार अनियन्त्रित भएर मन्त्री आलेको गाडीमा ठोक्किन आइपुगेका कारण उनलाई प्रहरीले नियन्त्रणमा लिएर लगेको छ ।