आईएमई लिमिटेड र आईएमई डिजिटल सोलुसन लिमिटेडद्वारा प्रवर्द्धित ‘आईएमई पे’ र मनि ट्रान्सफर युनिमनी एक्सचेन्जबीच युनिमनीको र्याफल ड्र क्याम्पियनमा प्रमोसन पार्टनरको रुपमा समझदारी भएको छ ।
र्याफल ड्र क्याम्पियनमा सम्पूर्ण सेवाग्राहीहरु युनिमनी कतार मोबाइल वा युनिमनीको अफिसियल वेबसाइट www.unimoni.qa मार्फत पैसा पठाउँदा भाग्यशाली १० जना विजेताले आईफोन १३ साथै ३० जना सेवाग्राहीहरुले २ ग्राम, ४ ग्राम र ८ ग्राम गरी जम्मा १०० ग्राम सुन जित्न सक्ने कम्पनीले जनाएको छ ।
कम्पनीका अनुसार क्याम्पियनको अवधि १ जनावरी २०२२ देखि १४ मार्च २०२२ (१७ पुष, २०७८ देखि फागुन ३०, २०७८) सम्म जम्मा ६९ दिनका लागि लागू हुनेछ ।
विद्युतीय च्यानलहरुको प्रबर्द्धन गर्नका लागि तयार पारिएको सोही क्याम्पियनको विजेता घोषणा विद्युतीय माध्यमबाट स्थानीय प्रतिनिधिको उपस्थितिमा छनोट हुनेछ । उक्त क्याम्पियनमा २ वटा र्याफल ड्र गरी २ पटक २०/२० जना गरेर पुरस्कार विनियोजन तल तालिकामा उल्लेख गरिए अनुसार हुने जारी विज्ञप्तिमा उल्लेख छ ।
क्याम्पियनको बारेमा युनिमनी कतारका महाप्रबन्धक फ्लोयड जोनीले नयाँ क्याम्पियन घोषणा गर्न पाउँदा उत्साहित भएको बताए । बैंक खाता, आईएमई पे वालेट वा नगद पिक–अपको रूपमा सिधै पैसा पठाउन ग्राहकका लागि सबैभन्दा सुविधाजनक र सुरक्षित सेवा प्रदान गर्ने उनले बताए ।
