नेपाल मजदुर किसान पार्टी (नेमकिपा) ले आज अमेरिकी सहयोग परियोजना (एमसीसी) विरुद्ध प्रदर्शन गरेको छ ।

राजधानीको नयाँ बानेश्वर क्षेत्रमा देशघाति एमसीसी सम्झौता खारेज गर ! सरकार र सासंदहरू खबरदार भन्‍ने नारासहित कालो ब्यानर बोकेर प्रदर्शन गरिएको हो ।

नेपालमा लामो समयदेखि बहस भैरहेको एमसीसीबारे विभिन्न दलहरूको भिन्न भिन्न बुझाई रहेको छ । नेपाली कांग्रेसका सभापति शेर बहादुर देउवा लगायतहरूले एमसीसी पास गर्नुपर्ने बताइरहेका छन् भने नेकपा समाजवादी र मा‌‌ओवादी केन्द्रले जस्ताको जस्तै एमसीसी पास नहुने बताइरहेका छन् ।

एमाले नेता तथा पूर्वगृहमन्त्री भीम रावलले एमसीसीको विरुद्ध विभिन्न ठाउँमा सार्वजनिक अभिव्यक्ति दिँदै आइरहेका छन् । उता विप्लव समूहले कुनै पनि हालतमा एमसीसी पास नगर्ने बताइरहेको छ ।