नेपाली कांग्रेसको खुलातर्फ केन्द्रीय सदस्यमा आधाभन्दा बढी मत गणना हुँदा ९ सय हाराहारीमा मत ल्याउने उम्मेदवार ३५ जनाभित्र परेका छन् ।
विशेषगरी दुई प्यानल खडा भएकामा थप विभिन्न प्यानलको रोजाइमा परेका डा. शशांक कोइराला लोकप्रिय मतसहित शीर्ष स्थानमा रहेका छन् । उनको यो गति कायमै रहेमा जारी महाधिवेशनमा सबैभन्दा बढी मत पाउने उम्मेदवार बन्नेछन् ।
अहिलेसम्म पदाधिकारीमा महामन्त्री गगनकुमार थापा सबैभन्दा लोकप्रिय मतसहित विजयी भएका छन् ।
अहिलेसम्म २३ सय ९३ मत गन्दा डा. कोइरालाको १९ सय ७१ मत रहेको छ । एनपी साउद दोस्रो तथा बालकृष्ण खाँड तेस्रो स्थानमा रहेका छन् । केन्द्रीय सदस्य खुलातर्फ ३५ जनाको लागि मतगणना भइरहेको हो । जसमा ९९ उम्मेदवार छन् ।