आइएमई जनरल इन्स्योरेन्स लिमिटेडले केन्द्रीय कार्यालय भवनको शिलान्यास गरेको छ ।
काठमाडौँ महानगरपालिका वडा नं. ३ पानीपोखरीमा शुक्रवार बिहान ८ बजको शुभसाईत पारेर बिमा समितिका अध्यक्ष श्री सूर्य प्रसाद सिलवालबाट शिलान्यास गरिएको हो ।
उक्त शिलान्यास समारोहमा बिमा समितिका कार्यकारी निर्देशक श्री राजु रमण पौडेल, कम्पनीका संस्थापक शेयरधनीहरू, नेपाल उद्योग वाणिज्य महासङ्घका वरिष्ठ उपाध्यक्ष तथा आइएमई ग्रुपका अध्यक्ष चन्द्र प्रसाद ढकाल, कम्पनीका सञ्चालक समितिका अध्यक्ष हेमराज ढकाल, लगायत सम्पूर्ण सञ्चालकहरू, संस्थापक सेयर धनीहरू, कम्पनीका प्रमुख कार्यकारी अधिकृत श्री युगेशभक्त बादे श्रेष्ठ लगायत उच्च व्यवस्थापन अधिकृत, विभागीय प्रमुखहरू, शाखा प्रमुखहरू लगायतको उपस्थिति थियो ।
शिलान्यासको शुभसाईतको समयमा बिमा समितिका अध्यक्ष सूर्य प्रसाद सिलवालले भवनको जगमा शिला राखेर भवनको शिलान्यास गरेका हुन् । उक्त शिलान्यास समारोहमा कम्पनीका प्रमुख कार्यकारी अधिकृत श्री युगेशभक्त बादे श्रेष्ठले आफ्नो व्यस्तताको वावजुत पनि समारोहमा उपस्थित भई भवनको शिलान्यासमा सहभागी भएकोमा सबैलाई धन्यवाद व्यक्त गरे ।
उनले आज शिलान्यास भएको भवन समयमै निर्माण सम्पन्न हुने र उक्त भवन एक नमुना भवन हुने जानकारी गराए ।
